2,283 Бардыгы /

2017-жылдын 25-январында Сузак районуна караштуу Таш-Булак айыл өкмөтүнүн өкмөт башчысын шайлоо күнү эле. Таң эртелеп айыл өкмөтүнүн конторасынын алдында бейтааныш топ-топко бөлүнгөн, спортсмен балдар пайда болду.
Ал эми карапайым эл өз өкмөт башчысын күтүп алууну максат кылгандары, ушул жерге келип жакшы маанайда келген жергиликтүү айылдык кеңешинин депутаттары менен пикирлешип, элибиздин тынчтыгын жана бейпилдигин тилеп, талапкерлердин татыктуусун шайлап чыгуусун күтүп турушкан. Аймактык шайлоо комиссиясынын мүчөлөрү жана Сузак районунун акиминин орун басары Төрөгелди Түркбаев да келди. Зал ачылып шайлоо алдында жыйырма бир депутат каттоо тизмесинен өтүп болгон соң, депутаттарды сыртка чыгарып, бирден кирип шайлоону сунуш кылышты. Депутаттар сыртка чыгаары менен эле Дмитровка айылынан шайланган Р.Сабиров аттуу депутат дайынсыз жок болуп кетти. Чоң эле адамды ким уурдап, каяка алып кеткени табышмак болду. Мыйзамда ушундай адилетсиздикке жол берүүгө мүмкүнчүлүк берген беренелер барбы? Адам укугу тебеленип, элдин ишенимине ээ болгон депутатты уурулук кылып алып кеткен кызыкдар тарап кайсы бир талапкердин иши экендиги көз көрүнөө белгилүү болуп турса да, укук коргоо орган кызматкерлери кош көңүл болушуп, кайдыгерлиги адамды таң калтырды.
Мен ойлоп калдым, эми биздин мамлекет чоң муштумдардын заманына айланып баратабы деп. Мамлекеттин тынччылыгын, ойлогон адам калбай, басмачылар пайда болуп калган окшойт. Биз кул элөөчүлүк доорго келип калгандай болуп, ызаалык тарттым. Элдин ишенимин татыган элдин депутаттарына басым өткөрүп, өзүн шайлатам деген талапкердин жүрөгүндө кандай сезимдери бар. Адам тагдырын оюн кылган мындай талапкер элибизге кантип кызмат кылат. Алгачкы кадамды чоң муштумдук менен баштаганы өкүнүчтүү. Өзү коркутуп добушун алган депутаттардын жүзүнө кандай карайт.
Бул көрүнүш жалпы элге жагымсыз маанай тартуулады. Элдин тагдыры, айыл өкмөттүн кызыкчылыгы бул адамды кызыктырбаганы, бийликке суусап турганы анын чыныгы жүзүн көрсөтүп койду. Эгемендүү Кыргыз мамлекетинде ушундай адам өмүрүнө коркунуч туудурган чоң муштумдар көбөйүп кеттиби же президенттик шайлоого аз калганда кайсы бир партиялардын иш аракеттериби? Мен бул суроого жооп таба албай кыйналып турам. Жогорку кеңештеги аткаминерлер жана депутаттар бул көрүнүшкө укуктук баа беришсе жакшы болмок. Мен бул окуяга кайдыгер карай албайм. Кыргыз Республикасынын премьер министрине жана алты саясий партия лидерлерине кат жолдойм. Бул көрүнүшкө кайдыгер карабаган партия лидерлерине кат жолдойм. Бул көрүнүшкө кайдыгер караган партия лидерлери бар болсо, анда бул окуянын башында ошол партия тургандыгы анык болот. Биздин элге улутчулдук, өзүмчүлдүк эмес, биздин элге татыктуу жетекчи жана ынтымак ырашкерлик биримдик жана бейпилдик керек.

Майрамкан Алтыбаева, Таш-Булак айыл өкмөтүнүн Доскана айылынын тургуну.