5,721 Бардыгы /

Сузак райондук ички иштер бөлүмүнүн жана Сузак райондук айыл өкмөттөрүнүн демилгеси менен уюштурулуп, Сузак райондук ички иштер бөлүмүнүн стадионунда Сузак районунун аймагында жайгашкан Барпы, Улгү, Ырыс, Камыш-Башы, Кара-Дарыя, Көк-Жангак, Таш-Булак, Кызыл-Туу, Сузак баш болгон 8 айыл өкмөттөрүнүн курама командалары жана ОИИБнын ардагерлеринен түзүлгөн команда Сузак РИИБнүн командалары жалпы 10 команда катышып, спорттук «футбол» оюну боюнча мелдеш болуп өттү. Бул тууралуу Жалал-Абад ОИИБнын басма-сөз кызматы маалымдады.

– Бул мелдеш «Мекеним менин – Кыргызстан!» аталыштагы чоң профилактикалык иш-чаралардын алкагында «Спорт- кылмыштуулукка каршы» деген ураан астында, жаштар жана окуучулар арасында кылмыштуулуктун алдын алуу жана спорт аркылуу ар улуттун ортосундагы достукту, ынтымакты чындоо, ошондой эле жаштардын аң сезимин жогорулатуу, спортко тартуу максат эле,-дейт ОИИБдин коомдук коопсуздук бөлүмүнүн башчысы Ибргагим Шатманалиев

Мелдешке 10 команда катышып, спорттук иш чара 17-00гө чейин өткөрүлүп жыйынтыкталды.
Футбол оюну боюнча биринчи орунду камсыз кылган Сузак РИИБнөн түзүлгөн курама командасы 1-даражадагы грамота, медаль жана акчалай сыйлык ыйгарылса, экинчи орунду камсыз кылган Сузак айыл округунун Сузак командасы 2-даражадагы грамота, медаль акчалай сыйлык менен сыйланып, үчүнчү орунду камсыз кылган Барпы айыл округунун командасы 3-даражадагы грамота, медаль жана акчалай сыйлыктар менен сыйланып, төртүнчү орунду камсыз кылган ички иштер органдарынын ардагерлеринин командасы ээлешип алардын ар бирине ак калпак, грамота жана спорттук инвентарлар тапшырылды. Мындан сырткары ар бир катышкан командаларга футболдук топтор, секундомерлер, футболдук формалар атайын грамоталар, айрымаланган оюнчуларга баалуу белектер берилди.
Жалал-Абад ОИИБдин жетекчиси Жеңиш Жоробеков, Сузак РИИБнүн башчысы милициянын полковниги Н. Жаныбеков жана өздүк курамы, жергиликтүү мамлекеттик бийликтин жетекчилери, массалык-маалымат каражаттарынын өкүлдөрү, бейөкмөт уюмдардын мүчөлөрүнүн жана спорт күйөрмандарынын катышуусу менен өткөрүлдү.
Жалал-Абад ОИИБгы тарабынан облустун аймагында «Мекеним менин-Кыргызстан! » аттуу алдын ала профилактикалык иш-чаралар дагы өткөрүлүп улантылмакчы-деди ОИИБдин коомдук коопсуздук бөлүмүнүн башчысы Ибргагим Шатманалиев

Орозалы Карасартов, “Аймак”