Милициянын медициналык кызматы элди тейлөөдө (фото)

1,650 Бардыгы /

Жалал-Абад ОИИБнын башкармалыгынын демилгеси менен «Мекеним менин – Кыргызстан!» аталыштагы чоң профилактикалык иш-чаранын алкагында милициянын медициналык кызматы өздөрүнүн түздөн-түз кызматтык милдеттерин аткаруу менен бирге, облустун аймагындагы алыскы жана тоолуу жерлерде жашап жатышкан элге жакындан медициналык акысыз жардамдарды беришип, аларды дары-дармектер менен акысыз камсыз кылууну, ошону менен бирге кылмыштуулуктун алдын алуу, укук тартибин сактоо боюнча алдын ала профилактикалык иштерди жүргүзүп жатышат. Бул тууралуу Жалал-Абад ОИИБДин пресс-катчысы Жусуп Камбаралиев билдирди

Ж.Камбаралиевдин айтымында 2014-жылдын 31-июль, 1-август күндөрү Жалал-Абад областынын ички иштер башкармалыгынын медицина кызматкерлери атайын автомашинаны даярдашып, ЭКГ жана кичи лаборотория алынып барылып, болгон керектүү дары-дармектерди алышып, Жалал-Абад облусунун Ноокен районунун Шайдан айыл округуна караштуу алыскы тоолуу Кара-Булак, Тоскоол, Шыңгыма жана Алаш айылдарынын 300дөй тургундарынын ден – соолугун акысыз текшерүүдөн өткөрүшүп, дары-дармектер менен бекер камсыз кылышты.
Ошону менен бирге эл арасында Ноокен РИИБнүн жетекчилеринин коштоосу менен милиция кызматкерлери укук тартибин сактоо, кылмыштуулуктун алдын алуу, мыйзамдуулукту камсыз кылуу боюнча профилактикалык түшүндүрүү иштерин жүргүзүшүп, жаштардын жүрүм-турумдарын көзөмөлгө алышып, алардын көйгөйлөрүн угушуп, айрыкча мал уурулуктун алдын алуу боюнча түшүндүрүү иштери жүргүзүлдү.
Бул иш чарада врач терапевт, кардиолог, хирург жана кулак мурун дарыгерлери элдин ден – соолугунун абалын тактап, элге ооруну алдын алуу жана дарылоо боюнча кеңештерин беришти.
.
-Ушундай эле иш чара буга чейин быйылкы жылдын июль айында Базар-Коргон районунун алыскы жана тоолуу 10 айылынын тургундарына жогорудагыдай медициналык акысыз тейлөө көрсөтүлүп, милициянын аймактык тескөөчүлөрү менен биргеликте алдын ала профилактикалык иштер жүргүзүлүп, бул аймактарда кылмыштуулук кескин түрдө кыскарып, жүргүзгөн иш-чаралар оң натыйжаларын берүүдө,-дейт Ж.Камбаралиев

Өткөрүлүп жаткан иш-чаралар элет жеринин жарандары менен милициянын ортосундагы мамилелерди жакшыртуу, жакындан жардамдарды берүү, элдин милицияга болгон ишенимин арттыруу максат кылып коюлгандыгын Ж.Камбаралиев кошумчалады.