4,378 Бардыгы /

Жалал-Абад шаарынын жана Сузак районунун аймагында 2013-жылдын 11-декабрынан 15-декабрына чейин «Мамлекеттик белгиси жок» аталыштагы профилактикалык рейд Жалал-Абад ОИИБнын, Жалал-Абад ШИИБнүн жана Сузак РИИБнүн ЖККнын кызматкерлери тарабынан өткөрүлдү Бул тууралуу Жалал-Абад ОИИБнын басма-сөз кызматы маалымдады.

Жалал-Абад ОИИБнын басма-сөз кызматы маалыматы боюнча Сузак РИИБнүн ЖККнын кызматкерлери айтымында Жалал-Абад облусунун аймагы менен өткөн Ош-Бишкек жолунун 380 км узундуктагы жолунда оор жагдайдагы жол кырсыктары катталып, негизги себептердин бири болуп айдоочулар Баткенден Ош шаарына келип, андан Бишкеке жеткенче эс алышпай, чарчап уктап кеткендиктин себебинен дагы болууда.
Жол-транспорттук тартипке терс таасирин тийгизген себептеринин дагы бири жол көзөмөлдөө кызматынан жылдык техникалык кароону алып койгондугунан өз убагында техникалык кароолордун учурунда өтүлбөгөнү, жолдордогу транспорт агымдарын көзөмөлдөөчү туруктуу постордун жоктугу жол коопсуздугуна терс таасирин тийгизүүдө.
Ушул рейдди өткөргөн күндөрү жол көзөмөлдөө кызматы тарабынан 1491 транспорт каражаттары текшерилип, жол эрежелерин бузушкан 213 айдоочуларга протоколдор толтурулуп, анын ичинен 22 айдоочу спирттик ичимдик ичип алышып айдагандары үчүн административдик чаралар көрүлдү.
Мунун ичинен 25 айдоочу айдоо күбөлүктөрү жок болсо, 23 айдоочу транспорт каражаттарынын мамлекеттик номерлери жок жүрүшүп, 75 айдоочу жол белгилеринин талаптарын аткарышпай, 61 башка жол эрежелеринин талаптарын бузгандар, 6 айдоочу машиналарын караңгылатылган айнектер менен айдап жүрүшүп кылтакка илинишип жол көзөмөлдөө кызматкерлери тарабынан баардыгына административдик чаралар көрүлүп, 77 автоунаалар атайын токтоочу жайларга киргизилген.

Санрабия Сатыбалдыева, “Аймак”