1,920 Бардыгы /

Кочкор –Ата шаарында нефтичилердин жыйыны болуп, аны «Кыргызнефтегаз» ААКтын профсоюз уюмунун төрагасы Акынбек Раимкулов алып барды. Бул жыйынга уюштуруу тобунун берген маалыматы боюнча Жалал-Абад шаарындагы КПК нефтини кайра иштетүүчү заводдун жумушчулары да чакырылып, баардыгы болуп 1500дөн ашык адам катышууда. Жыйында Кыргызская Республикасынын Өкмөтү тарабынан «Кыргызнефтегаз» ААКты реорганизациялоо же кайра түзүү боюнча катын талкуулашып, бул кат мамлекеттин жана ишкананын жалпы кызыкчылыгына карама-каршы келерин айтышып, экономика министри Т.Сариев, маммүлк фондунун төрагасы А.Осмоналиевдердин жеке кызыкчылыгы жатканын айтышып, эч кандай кайра өзгөртүп түзүү зарылдыгы жок экендигин чыгып сүйлөгөндөр айтышты. Алар жакында эле премьер-министр Ж.Сатыбалдыев иш сапары менен келип оң баасын берип, ыразы болуп кеткенин айтышып, ал эми Сариев жана анын артында турган адамдардын максаты “Кыргызнефтегаз” ААКсына караштуу Жалал-Абад шаарындагы КПК нефтини кайра иштетүү заводун бөлүп, сатып алуу аракеттери жүруп жаткандыктарына наарыз болушту. Алар заводду сатууга эч убакта жол бербестигин, ал үчүн бардык чаралар көрүлөрүн айтышты.
Чыгып сүйлөгөндөр Кыргызстан боюнча туруктуу иштеп,жылына 350-500 млн сом киреше берип турган ишкананы бөлүп жарып, сатуу аракетин көрүп жаткандыгы үчүн Т.Сариев менен А.Осмоналиевдин отставкасын талап кылышты.

КПК заводун сатып алганга чейин 10 жылда 7 млн доллар киреше алышса, азыр сатып алгандан бири бир жыл ичинде 6 млн доллар киреше алып жаткандыгын айтып, жок жерден Т.Сариев коррупциялык схема деп коомчулуктун баарын аткарып жаткандыгын, тескерисинче коррупциялык схема менен Т.Сариев иштеп жатканын билдиришти.
Жыйынтыгында жыйындын катышуучулары Президентке, Премьер-министрге, ЖКнын ар бир фракциясына кайрылуу кабыл алуу боюнча чечим кабыл алышты.
Жыйынгы Ноокен районунун акими А.Осмонов катышып, ишкананын өнүгүшүн каалап, кайрылууну тиешелүү жерлерге жеткирерин билдирди.

Орозалы Карасартов, “Аймак”