1,687 Бардыгы /

Жалал-Абад шаарында башкаруу бийлигиндеги көшөгө артында оюндар уланууда. Бүгүн 3 –июлда алдына ала маалымат каражаттарына маалымдалбай эле чукул сессия өткөрүп шаардын мэри М.Арапбаев менен “Өнүгүү” партиясынын тымызын түзгөн “барбарос” пландарын ишке ашырууга аракет кылды. Бирок бул жолу да топтук кызыкчылыктарга негизделген план ишке ашпай калды. Коомчулукка жакшы белгилүү “Өнүгүү” партиясынын фракциясы Жалал-Абад шаардык кеңештин бюдджеттик комиссиясынын 8 мүчөсүнүн 6 мүчөлүк ордун жана комиссиялыктын төрагалыгын алгандан кийин ат тезегин кургатпай “Арапбаевге ишеним көрсөтпөйбүз” деп жазган билдирүүлөрүнөн айнып, КСДП менен “Ата Журт” партиялары ажырашкандан кийин ич ара мэр менен ымалашы , унчукпай калышкан. Ал турсун акыркы учурларда “Өнүгүү” фракциясы менен “КСДП” фракциясынын ортосунда коалиция түзүү боюнча сүйлөшүүлөр жүрүп жатат деген маалыматар чыгарылган. Бирок натыйжага жеткен эмес.
Бүгүнкү сессиянын чакырылышына мэр М.Арапбаев жана “Өнүгүү” фракцисынын депутаттары сессия чакырып, регламентти өзгөртүп, азчылыктан түзгөн партиялардан шайлансо боло берет деген сунушту колдоого алдырып, андан кийин “Өнүгүү” фракциясынын депутаты Нурлан Маматовду шайлап алышмак болгон. Бул иштин сценарийин түзгөндөр мурдагыдай эле добушту көбөйтүү максатында “Ата Журт” фракциясынын депутаты Кабыл Култаев менен ич ара соодалашып көндүрүшкөн. Бирок сессия учурунда ал пландар ишке ашкан жок. “бузулду” Кабыл Култаев да айнып калыс деген позицияны (мында Т.Акамбаев жана башкалар бар). Кызыгы сессиянын астында КСДП фракциясынын депутаттары да сессиянын алдында жолугушуп талкуулашкандан кийин мэр М.Арапбаев менен “Өнүгүү” фракциясынын планын колдошкон жок. Күн тартибинде №1 болуп кирген регламентке өзгөртүү маселесинде 11 каршы, 15 макул болуп бекитилбей калды.
Кызыгы, сессиянын күн тартибине мындан башка да 4 маселе кирген эле. Анда мэр М. Арапбаевдин Өкмөттөн 100 млн сом алам деген сөзү жел сөз болуп калып, ага кошумча бөлүнгөн 28 млн сомду башка зарылчылыктарга жумшоо, шаардагы суунун тарфин көтөрүү жана башка учурдагы маанилүү маселелерди максатына жетпей калган “өнүгүүчүлөр” өздөрүнүн маселеси өтпөй калгандан кийин тыныгуу жарыялап, андан соң тарап кетишти. Ошентип маселелелер ачык калды. М.Арапбаевдин ишмердүүлүгүнө өзүнүн КСДП партиясынын депутаттары да ичи чыкпаганын айтыла баштады. Ал турсун мэрлик орунга башка талапкерлер тапталып жатат. Азырынча үч талапкердин ысымы аталууда. Бирок булар да жогору жактан “бата” алыш керек. Айрым маалыматтарга караганда ошол талапкердин бирөөнө токтолуп жогору жактардан “ бата” алыптыр. Эми М.Арапбаевди кантип кетиребиз,деп башы катып турган чагы экен.

Бир убакта ушул сүрөттөгү үчөө түзгөн “Ак ниет” коалициясы,азыр кара ниет болуп калды.