1,827 Бардыгы /

Бишкек – БУУнун Дүйнөлүк азык-түлүк программасы (БУУ ДАТП) Швейцария өкмөтүнүн каржылык колдоосу менен Кыргыз Республикасынын Өзгөчө кырдаалдар министрлигинин (ӨКМ) алдындагы Мамлекеттик материалдык резервдер фондунун борбордук кампасынын чатырын жаңылады.

Кампада ӨКМ табигый кырсыктар жана өзгөчө кырдаалдар учурунда калктын аялуу катмарына ыкчам жардам көрсөтүү үчүн колдонгон материалдык жана азык-түлүк запастары сакталат. 2022-жылы өлкөнүн бардык региондорундагы калктын аялуу катмарына жардам көрсөтүү үчүн кампадан 11 миң тонна азык-түлүк жөнөтүлгөн. Ошондой эле чек арадагы кагылышуулардан кийин жаңыланган кампадан Баткенге гуманитардык жардам катары 24 тоннага жакын азык-түлүк жөнөтүлгөн.

2022-жылы Швейцариянын өкмөтү тарабынан БУУ ДАТПнын Өлкөлүк стратегиялык планынын элет жериндеги аялуу жамааттардын климаттын өзгөрүүсүнө ыңгайлашуу жана табигый кырсык тобокелдигин кыскартууга багытталган компонентине2,2 миллион АКШ доллар бөлүнгөн. Бул иш-чараны БУУ ДАТП Кыргыз Республикасынын Өзгөчө кырдаалдар министрлиги менен биргеликте ишке ашырууда.

Долбоордун алкагындагы иш-чаралар Ош, Баткен жана Нарын облустарын камтып, жергиликтүү бийлик органдарына жана улуттук деңгээлдеги мекемелерге кургакчылык, суу ташкын, жер көчкү ж.б.у.с. табигый тобокелдиктерди кыскартууга колдоо көрсөтөт. Ошондой эле бенефициарларга жана өкмөткө климат боюнча ишенимдүү жана өз убагында жеткен маалымат таратылып, табигый тобокелдикке каршыпландоо боюнча жардам жана инфраструктуралык колдоо көрсөтүлөт.

Климатка байланыштуу коркунучтарды алдын алуу, ошондой эле анын азык-түлүк жана тамактануу коопсуздугуна тийгизген таасирин азайтуу үчүн табигый кырсык тобокелдиктерин башкаруу боюнча иш-чаралар дагы күчөтүлөт. Калктын аялуу катмарына азык-түлүк таратылып жана азык-түлүк коопсуздугун бекемдөөгө камсыздандыруу куралдары демилгеленип жана табигый кырсыктарга каршы даярдыкты жогорулатуу боюнча окутуулар уюштурулат.

ӨКМ жөнүндө толук маалымат алуу үчүн байланыш тел.: +996 (312) 32-30-34

Дүйнөлүк азык-түлүк программасы жөнүндө толук маалымат алуу үчүн байланыш тел.:0550 577 597, almaz.tchoroev@wfp.org