1,983 Бардыгы /

ОШ. Ош шаарындагы “Өзгөчө кырдаалдарга чара көрүү боюнча түштүк борборунун” нефтьбазасына жакын темир жол бекетинде бензин куюлган 3 вагон темир жолдон чыгып, оодарылып кеткен. Бул туурасында Өзгөчө кырдаалдар министрлигинен билдиришти.

Маалыматка караганда. бензин куюлган вагон 1963-жылы туулган Э.У. аттуу эркек кишини басып калып, ал жеринде каза тапты. Ал эми 22 жаштагы. С.А аттуу эркек жаракат алып, облустук ооруканага жеткирилген. Азыр анын абалы туруктуу. Кырсык болгон жерге Өзгөчө кырдаалдар министрлигинин Ош облустук жана Ош шаардык башкармалыктардын башчылары жетектеген ыкчам топ, Өзгөчө куткаруу кызматынан 10 куткаруучу, үч өрткө каршы бөлүм, бир 1 күжүрмөн эсеп, Ош шаардык куткаруу кызматынан 4 куткаруучу тартылды.

Мындан тышкары Ички иштер министрлигинен 10, Тез жардам кызматынан 6 кызматкер тартылып, учурда кырсыктын кесепеттерин жоюу, жолдон чыгып кеткен вогондордун ичиндеги бензинди башка бактарга бошотуп, өрт коопсуздугун көзөмөлгө алуу иштери аткарылууда.

Алишер ТОКСОНБАЕВ, өз кабарчы