1,173 Бардыгы /

          БИШКЕК. Бул туурасында Министрлер Кабинетинин Төрагасынын орун басары Бакыт Төрөбаев Кыргыз Республикасынын Министрлер Кабинетине караштуу Жарандык авиация мамлекеттик агенттигинин атайын коллегиясында билдирди. Бул жыйындын жүрүшүндө аталган ведомствонун өткөн жылдагы ишмердүүлүгүнүн жыйынтыгы жана быйылкыга карата милдеттери тууралуу баяндамалар дагы угулду жана кең-кесири талкууланды.

          Кыргыз Өкмөтүнүн башчысынын орун басары Бакыт Төрөбаев Кыргыз Республикасынын Президентинин Жарлыгы менен жарандык авиацияны өркүндөтүү жана аба кыймылын өнүктүрүү боюнча атайын мамлекеттик агенттиктин түзүлүшү алдыңкы жетишкендиктердин бири экендиген баса белгиледи.

• Мамлекеттик агенттиктин түзүлүшү – эл аралык жарандык

авиация уюму тарабынан абдан жогору бааланды. Жаңы түзүлгөн мамлекеттик агенттиктин алдына Президентибиз тарабынан амбициялуу милдеттер дагы коюлду. Алар өлкөдө чакан авиацияны өнүктүрүү, ички, ошондой эле эл аралык аба каттамдарын көбөйтүү жана маршруттарын кеңейтүү, бизнес-авиация рыногун ачуу, транспорттук аба түйүнүн жана инженердик-техникалык базаны түзүү, – деди Кыргыз Өкмөтүнүн башчысынын орун басары Бакыт Төрөбаев.

          Ошентип, ушул тапта жүргүнчүлөрдү тейлөөнүн сапаты кыйла жакшыртылып, анын жыйынтыгында 2022-жылы Кыргызстандын аба майдандарында 5 миллиондон ашуун жүргүнчү тейленген. Бул 2021-жылга салыштырмалуу 22 пайызга көп. Аба каттамдарын өнүктүрүү жана маршруттарды кеңейтүү максатында бүгүнкү күнгө карата 30 мамлекет менен аба байланышы боюнча өкмөттөр аралык макулдашуулар түзүлгөн. Мындан тышкары Баткен, Каракол жана Тамчы аба майдандарын реконструкциялоо боюнча олуттуу иштер аткарылды. Ошондой эле Ош, Баткен, Казарман аба майдандарынын аэродромунун асфальт төшөлмөлөрүн жаңыртуу боюнча иштер дагы аткарылып, Нарын аба майданында жаңы аэровокзалды куруу иштери жүргүзүлүүдө.

          Жогоруда белгиленген жетишкендиктерге карабастан, аталган Мамагенттиктин алдында көптөгөн чакырыктар жана милдеттер дагы бар экендигин баса белгилеген Бакыт Төрөбаев Жарандык авиация мамлекеттик агенттиги 2022-жылдын жыйынтыгы менен аткаруу тартиби начар мамлекеттик органдардын катарына киргендигин дагы катуу эскертти. Буга улай И. Абдраимов атындагы Кыргыз авиациялык институтунун алдыңкы бүтүрүүчүлөрүн жумуш орундары менен камсыз кылуу сунушун тиешелүү мекемелердин жана авиакомпаниялардын жетекчилерине сунуш этти. Ошондой эле аталган авиаинститут капиталдык оңдоодон өткөрүлө тургандыгын убадалады.  

Алишер ТОКСОНБАЕВ, өз кабарчы