915 Бардыгы /

БАТКЕН. Кыргызстандын эң алыскы айылы Зардалыга бара турган жалгыз автоунаа жолундагы тар жерлер тазаланып, андан ары кеңейтилди. Бул жөнүндө Транспорт жана коммуникациялар министрлигинен билдиришти.

Атайын техника жана адистешкен жолчулар Сох-Кан — Зардалы жолунун 53-85-чакырым аралыгындагы бир унаа араң өтө турган тилкелерди тазалап, андан ары кооптуу жерлерди дагы кеңейтишкен.

Белгилей кетчү жагдай: Зардалы — Баткен облусунун бийик тоолуу, жетүүгө кыйын аймактагы айылы. Аны башка кыштактар менен жалгыз гана унаа жол туташтырып турат. Бул жол жыл сайын май-июнь айларында гана ачылып, ал эми кыш түшкөндө жүрүүгө таптакыр мүмкүн болбой калат.

Алишер ТОКСОНБАЕВ, өз кабарчы