1,095 Бардыгы /

ОШ. Кыргыз Республикасынын  УКМКсына караштуу Мамлекеттик Чек ара кызматынын маалымат жана коммуникация башкармалыгы “Достук-автожол” жана “Маданият-автожол” чек ара өткөрүү бекеттеринин чек арачылары чек арадан акча каражаттарынын  мыйзамсыз алынып өтүшүнө дароо бөгөт коюшкандыгын маалымдады.

Ошентип, Кыргызстандан Өзбекстанга карай багытталган  1984-ж.т. Н.А., жана 2003-ж.т. З.А., аттуу Орусия Федерациясынын жарандары “Достук-автожол” өткөрүү жайына атайын келишкен. Чек ара көзөмөлдөн өтүү маалында булардын кол жүгүнөн чет элдик валютадагы акча каражаттары  – 25 600 АКШ доллары табылып олтурат. Буга чейин дагы “Маданият-автожол” өткөрүү жайында Өзбекстандын жаранынын кол жүгүнөн деле 7300 АКШ доллары табылган эле. Жогоруда аталган жарандар валютаны республиканын бажы мыйзамын кайгып өтүп чек арадан мыйзамсыз түрдө алып чыгууга аракет кылышкан. 

Тиешелүү документтер толтурулган соң, кармалган жарандар жана акча каражаттары андан ары териштирүү иштери жүргүзүлүшү үчүн компетенттүү органдардын кызматкерлерине дароо өткөрүлүп берилди. 

Кыргыз Республикасынын УКМКсына караштуу Мамлекеттик Чек ара кызматы  Кыргыз Республикасынын Министрлер кабинетинин 2023-жылдын 13-январындагы  “Кыргыз Республикасынын экономикалык коопсуздугун камсыз кылуу боюнча чаралар жөнүндө” №7-токтомуна ылайык Кыргыз Республикасынын Министрлер кабинетинин тиешелүү чечими чыкканга чейин Кыргыз Республикасынан чет элдик валютаны накталай алып чыгууга убактылуу салынгандыгын эскертет:

•  резидент эместерге жана чет өлкөлүк жарандарга 5000ден (беш миң) көп накталай АКШ доллары суммасында;

– Кыргыз Республикасынын жарандарына жана резиденттерине 10000ден (он миң) көп накталай АКШ доллары суммасында;

Кыргыз Республикасынын жарандары жана резиденттери 10000ден (он миң) көп АКШ доллары суммасында накталай АКШ долларын алып чыккан учурда, белгиленген лимиттен ашкан сумманын 10 пайыз өлчөмүндө мамлекеттик төлөм сөзсүз түрдө алынат.

Алишер ТОКСОНБАЕВ, өз кабарчы