1,584 Бардыгы /

          ЖАЛАЛ-АБАД. Өзгөчө кырдаалдар министрлигинен маалымдашкандай. Үстүбүздөгү жылдын 27-октябрында, саат 14:30 чамасында Бишкек-Ош жолундагы Төө-Ашуу ашуусунун жолунда өрт кырсыгы катталды.

          Маалыматка караганда, аталган автомагистралдын 96-чакырымынан Түндүктөн Түштүктү көздөй бара жаткан күйүүчү май ташуучу унаанын чиркегичи кулап, дароо күйүп кеткен. “Мерседес Бенц” жана “Хонда СРВ” унаалары жардам берүү үчүн токтогон маалда, өрттөнүп жаткан цистерна негедир күтүүсүз жарылып, жеңил автоунаалар дагы кошо күйүп кеткен. Бул кырсыктан төрт адам түрдүү даражада жараланып, баары теё Чүй облусунун Жайыл райондук ооруканасына жеткирилди.

          Ошентип, Кара-Балта шаардык өрт өчүрүү башкармалыгынан өрт өчүрүүчү бир бригада жана үч куткаруучу тартылып, өрт толугу менен саат 15:40та гана өчүрүлдү. Бишкек-Ош жолунда автоунаалардын кырсыгы өтө көп катталат. Адам өлүмү менен коштолгон учурлар дагы арбын.

Алишер ТОКСОНБАЕВ, өз кабарчы