798 Бардыгы /

Кытайга жүк ташып иштешкен жүз чакты айдоочу Транспорт жана жол министрлигинин Ош шаарындагы башкармалыгынын алдына нааразычылык акциясына чыгышты. Алар Кыргызстан менен Кытайдын чек арасындагы Эркеч-Там өткөрмө бекетиндеги тыгынга нааразы болуп жатышат.

Айдоочулар Кытайга кирүүгө уруксат тууралуу документтер кезек менен берилүүсүн гана талап кылышууда. Алардын сөзүнө караганда, ушул тапта Алай районундагы Эркеч-Там чек ара өткөрмө бекетинде300 чакты жүк ташуучу унаа Кытайга таптакыр кире албай турушат. Кезек бир жумада гана араң жетээрин айткан айдоочулар кыргызстандык башка компаниялар дагы “Кезек менен кириши керек!” деген катуу талапты коюшууда. Анткени, мамлекеттен автоунаа токтотуучу жер бөлүнүп, электрондук кезек менен ошол жерден кетүүгө шарт түзүлгөндүгүн, бирок буга Кытайга каттаган айрым жүк ташуучу ишканалар эч көнбөгөндүгүн кошумчалашты. Нааразы тарап Транспорт жана жол министри токтоосуз Ошко келип, бул олуттуу маселени ыкчам чечип берүүгө чакырды.

Баса, соёку сааттарда нааразы айдоочулар менен Транспорт жана жол министрлигинин Ош шаарындагы башкармалыгынын башчысы Бакай Жолдошбаев жолугушуп, маселени чукул арада териштирүүнү катуу убада кылды. Айдоочулар ага көнбөстөн, эртеё дагы чогулмай болуп тарашты.

Алишер ТОКСОНБАЕВ, өз кабарчы