1,518 Бардыгы /

Жалал-Абад облусуна караштуу Ала-Бука районунда аткезчиликке көмөктөшкөн сегиз чек арачы менен беш жай тургун кармалгандыгын  УКМКдан кабарлашты. Кармалгандар кылмыштуу аракеттерин жашыруу максатында өткөрүү бекетинде атайын орнотулган камераларга жазылып калбасын деп обьект жайгашкан аймакта электр энергиясын өчүрүп дагы турушкан.

Маалыматка караганда, кылмышкерлерди кармоо иштери буга чейин козголгон кылмыш ишинин алкагында УКМКнын Чек ара кызматынын жетекчилигинин жардамы аркасында «Баймак» өткөрүү бекетинде жүргүзүлдү.

Ошентип, Кыргыз чек арачылары көзөмөл-өткөрүү бекетинин аймагы аркылуу жумуштан тышкаркы убакта мыйзамсыз жүк алып өтүп жаткан учурда кармалышты. Көзөмөл-өткөрүү бекетинин кызматкерлеринин туруктуу контрабанда каналын уюштуруп, жигердүү иштеп жаткандыгы дагы аныкталды. Аталган кызматкерлер акчалай сыйлык үчүн түн ичинде контрабандалык жүктөрдү өткөрүүгө туруктуу көмөктөшкөн. Булар өздөрүнүн кылмыштуу аракеттерин жашыруу максатында өткөрүү бекетинде атайын орнотулган видеокөзөмөл камераларына жазылып калбасын деп обьект жайгашкан аймакта электр энергиясын өчүрүп дагы турушкан.

     Алишер ТОКСОНБАЕВ, өз кабарчы