1,236 Бардыгы /

ЖАЛАЛ-АБАД. Сузак милициясы ден соолукка оор залал келтирген жаранды кармады

Жалал-Абад ОИИБдин басма сөз кызматы билдиргендей, Жалал-Абад облустук ооруканасынын дарыгери милицияга телефон чалып, 2023-жылдын 22-декабрь күнү саат 17:35 чамасында Сузак районунун Курманбек айыл аймагынын 34 жаштагы тургуну М.А. өзүн билбеген буту, көзү көгөргөн абалда тез жардам кызматы тарабынан оорукананын жандандыруу бөлүмүнө жаткырылып, өзүнө келбей каза болуп калганын билдирген. Бул окуя Сузак РИИБдин тергөө кызматы тарабынан кылмыштардын бирдиктүү реестрине Кыргыз Республикасынын Кылмыш-жаза кодексинин 130-беренеси (Ден соолукка оор залал келтирүү) менен катталып, кылмыш иши козголуп, тиешелүү экспертизалар дайындалган.

Жалал-Абад ОИИБдин жана Сузак РИИБдин кылмыш иликтөө бөлүмүнүн кызматкерлери тарабынан жүргүзүлгөн ыкчам-иликтөө иштеринин натыйжасында окуяга шектүү катары Сузак районунун Багыш айыл аймагынын тургуну 1980-ж.т. К.Ю. кармалып, убактылуу кармоочу жайга киргизилген.

Тергөө амалдарынын жүрүшүндө каза болгон жаран менен кылмышка шектүү спирт ичимдигин ичип отуруп, өз ара пикир келишпестиктен уруша кетип, шектүү каза болгон жаранды бир нече жолу уруп, ошол жерге таштап кетип калгандыгы белгилүү болгон.

Учурда тергөө амалдары уланууда.