819 Бардыгы /

ОШ. Соңку сааттарда Кара-Суу райондук ички иштер бөлүмүнүн Кызыл-Кыштак айылдык милиция бөлүмчөсүнө М. аттуу жаран белгисиз жана дагы шектүү зат алып жүргөндүгү туурасында маалымат келип түшкөн. Аталган маалымат дароо каттоого алынып, дароо эле текшерүү иштери башталган. Бул тууралуу Ош облустук ички иштер башкармалыгынын басма сөз кызматынан билдиришти.

          Ошентип, жүргүзүлгөн ыкчам-издөө иш-чараларынын натыйжасында Ош шаарынын көчөлөрүнүн биринде 1979-жылы туулган А.Б. аттуу шектүү жаран акыры кармалып, аны  жеринде тинткенде жанынан күрөң түстөгү, өзгөчө жыты бар, салмагы 3,72 граммды түзгөн белгисиз зат табылган. Аталган затты аныктоо үчүн тийиштүү экспертиза дароо дайындалып, анын корутундусуна ылайык, шектүүнүн жанынан табылган зат «гашиш» маңзаты экендиги аныкталды.

          Натыйжада шектүү А.Б. нын үстүнөн Кыргыз Республикасынын Кылмыш-Жаза Кодексинин 283-берене (Маңзат каражаттарын, психотроптук заттарды жана алардын аналогдорун сатып өткөрүү үчүн максатсыз мыйзамсыз даярдоо) негизинде кылмыш иши козголуп, соттун чечими менен камакка алынды. Ушул тапта бул кылмышка тиешеси бар башка атуулдарды аныктоо дагы боюнча ыкчам тергөө амалдары жүргүзүлүүдө.

          Алишер ТОКСОНБАЕВ, өз кабарчы