714 Бардыгы /

          Кыргызстандын Түштүк башкалаасында мугалим маңгизат соодалоого шектелип кармалды. Бул туурасында Ички иштер министрлигинен билдиришти.

          Маалыматка караганда, милицияга «Ш» аттуу аял Ош жана Баткен облустарынын аймагында маңзаттарды мыйзамсыз жүгүртүү менен алектенип жаткандыгы тууралуу ыкчам маалымат келип түшкөн. Бул факты дароо эле каттоого алынып, аны ыкчам текшерүү маалында ИИМдин Маңзаттарды мыйзамсыз жүгүртүүгө каршы күрөшүү кызматынын кызматкерлери тарабынан Баткен облусундагы мектептердин биринде мугалим болуп иштеген «Ш» аттуу аял көптөн бери маңзатын таратып жүргөндүгү аныкталды. Ош шаарындагы ыкчам-тергөө иш-чараларынын жүрүшүндө БМЖКККнын ыкчам кызматкерлери Чек ара кызматынын кызматкерлери менен биргеликте 1 килодон ашык «гашиш» маңзатын сатууга аракет кылган 1993-жылы туулган Р.Ш. аттуу жаранды кармашты.

          Ошентип, кармалган жаранга Р.Ш. га карата Кыргыз Республикасынын Кылмыш-Жаза Кодексинин 282-беренесине ылыйык кылмыш иши козголуп, Ош шаарынын убактылуу кармоочу жайына киргизилди. Ушул тапта аталган маёзат кылмышына тиешеси бар башка адамдарды дагы аныктоо боюнча иш-чаралар кызуу улантылууда.

          Алишер  ТОКСОНБАЕВ, өз кабарчы