705 Бардыгы /

          Ош облусунун Ноокат районуна караштуу Кеңеш айыл өкмөтү деле ээнбаштык кылып жер тилкелерин басып алышып, андан кийин гана катарынан турак жай кургандардан кур эмес. Бул жөнүндө аталган Айыл Өкмөттүн башчысы Пахыридин Асаналиев кабарлады.

          – Кыргыз Республикасынын 2022-жылдын 1-апрелиндеги «Жер- укуктук мамилелерди жөнгө салуу жөнүндөгү» Мыйзамынын жана дагы Министрлер кабинетинин 2022-жылдын 31-майындагы №291-Токтому менен бекитилген «Жер мунапысын жүргүзүүнүн тартиби жөнүндө» Жобонун негизинде ээнбаштык кылып жер тилкелерин ээлешип, андан ары үй салышкан 40 жараныбызга Кызыл Китеп жазылып берилди. Дагы 38инин Мамлекеттик Актысы жасалып жатат, – деп кошумчалады Ноокат районуна караштуу Кеңеш айыл өкмөтүнүн  башчысы Пахыридин Асаналиев.

          Айтмакчы, мындай иш-аракеттер Кыргызстандын башка аймактарында дагы абдан кызуу жүрүп жаткан чагы. Анткени, аталган мунапыс мөөнөтү 2024-жылдын майында аяктайт.

Алишер  ТОКСОНБАЕВ, өз кабарчы