417 Бардыгы /

          Өзгөчө кырдаалдар министрлиги акыркы сааттарда кабарлагандай, Бишкек-Ош автоунаа жолунда кар көчкүнү атайылап аттырып түшүрүү иштери абдан кызуу жүрүп жатат. Маалыматка караганда, кечээ, 17-мартта, аталган автоунаа жолунун Жалал-Абад облусунун аймагындагы 222-223-227-чакырымдарында аттыруу жолу менен кар көчкү түшүрүү иштери ырааттуу жүргүзүлдү.
          Мунун арасынан 222-чакырымда – Ала-Бел ашуусунда жалпы көлөмү 161 130 м3 кар көчкү түшүрүлгөн. Түшкөн кар көчкүлөр автоунаа жолго жеткен эмес. 227-чакырымда көлөмү 46 910 м3 кар көчкү түшкөн. Өзгөчө кырдаалдар министрлиги кан жолдогу кар көчкүнү атайылап аттырып түшүрүү маалында жолдо маал-маалы менен чектөө киргизилип тураарын эскертип, жүргүнчүлөрдү жана айдоочуларды түшүнүү менен кабыл алууга жана сак болууга гана чакырды.

          Өзгөчө кырдаалдар министрлиги Бишкек-Ош жана башка тоолуу аймакты автоунаа жолдорунда кар көчкү түшүү коркунучу жаралгандын, мындан улам жолдордо машинелердин ортосунда 500 метрлик аралык милдеттүү түрдө сакталуусу тийиштигин улам-улам эскертүүдө.

Алишер  ТОКСОНБАЕВ, өз кабарчы