366 Бардыгы /

Кыргыз Республикасынын УКМКсынын Мамлекеттик Чек ара кызматынын маалымат жана коммуникация башкармалыгы үстүбүздөгү жылдын 7-майында Кыргыз-Тажик мамлекеттик чек ара тилкесинде ок атуучу курал пайдаланылган окуя жүз бергендигин шардана кылды.

Ошентип, болжол менен 7-майда саат 12:20да Баткен облусунун Лейлек районунун Ак-Босого калктуу конушуна жакын жерде Кыргызстандын чек ара кезмети Тажикстандын жарандарын – малчыларды байкап калышкан. Алар мамлекеттик чек ара сызыгынан 250-300 метрдей аралыкта  Кыргызстандын аймагында эле беймарал мал кайтарып жүрүшкөн. Ошондуктан, Кыргыз чек арачыларынын аларды Кыргызстандын аймагынан токтоосуз түрдө чыгып кетүүсүн талап кылган эскертүүсүн Тажикстандын жарандары көңүлгө алышпастан, тескерисинче, аскер кызматчыларын көздөй таш ыргытышкан. А түгүл тажикстандык чабандардын бири Кыргызсандын чек ара кезметин көздөй эки-үч жолу ок дагы чыгарган.

Ошочсчл себептүү жагдайдын андан ары курчуп кетишине жол бербөө максатында Кыргыз Республикасынын чек арачылары асманды көздөй эскертүү иретинде ок чыгарышканд, тажикстандык  чабандар Тажикстандын аймагына качып кирип кетишкен.  Бактыга жараша Кыргыз Республикасынын чек арачылары арасында жаракат алгандар болгон жок!

Азырынча такталбаган маалыматтарга караганда, Тажикстандын бир жараны бутунан жараланыптыр. Бирок, Тажикстандын укук коргоо органдарынын кызматкерлери сүрөттү гана жөнөтүшкөндүктөн, бул жаран кандай жагдайда, качан жана кай жактан жаракат алгандыгы азырынча белгисиз. Ушул тапта коёшулаш мамлекеттердин Чек ара Өкүлчүлүктөрүнүн жолугушуусу болоору күтүлүүдө. Азырынча Кыргыз-Тажик мамлекеттик чек ара тилкеснидеги жагдай туруктуу деп мүнөздөлүүдө.

Алишер ТОСКОНБАЕВ, өз кабарчы