417 Бардыгы /

Кыргызстандын Түштүк башкалаасындагы Улуу Ата Мекендик согуштун жападан жалгыз ардагери Касымбай Жолдошов быйыл туптуура 100 жашка толот.

Эмгек, социалдык камсыздоо жана миграция министрлигинен билдиришкендей, Касымбай Жолдошов 1925-жылдын 25-июнунда туулган. 1943-жылы согушка кетип, 1950-жылы гана Ата Мекенине кайтып келген. Согуштан кайткандан кийин Ноокат районунун Кеңеш колхозунда фермер, бригадир, кассир болуп эмгектенген. Байбичеси, уулу өтүп кеткен. Ушул тапта небереси Медербек Касымбаевдин колунда турат. 1 кыз, 27 небере, 55 чебере, 3 кыбырасы бар.

Касымбай Жолдошов Улуу Ата Мекендис согуш жылдарындагы эрдиктери үчүн Улуу Ата Мекендик согуштун юбилейлик медалдары жана аскер сыйлыктары менен сыйланган.

Алишер ТОСКОНБАЕВ, өз кабарчы