243 Бардыгы /

Баткен облусуна караштуу Сүлүктү шаарындагы «Южный 3» көмүр кенинде урандынын астында калган эки кен казууучу акыры куткарылды. Бул туурасында Өзгөчө кырдаалдар министрлигинин басма сөз кызматынан билдиришти.

Маалыматка караганда, ушул жылдын 7-январында Сүлүктү шаарындагы «Южный 3» шахтасында эки жумушчу урандынын астында калгандыгы туурасында маалымат түшкөн. Бул жараянга жалпысынан 18 куткаруучу тартылды. Издеп-куткаруу иши көмүр шахтанын 140 метр тереңдигинде жүргүзүлгөн. Кырсык катталган убакыттан жарым саат өтпөй 1992-жылы туулган И.Х., 1976-жылы төрөлгөн И.М аттуу жарандар куткарылды. Баары тең тез жардам кызматына өткөрүлүп берилди.

Баса, Сүлүктү шаарындагы көмүр шахталарында соңку эки жыл аралыгында 94 куткаруу иштери аткарылып, булардын арасынан алты жарандын өмүрүн сактап калышты.

Алишер ТОКСОНБАЕВ өз кабарчы