219 Бардыгы /

Кыргызстандын тоолуу жана тоо этектериндеги райондорунда 13-17-июлда катарынан сел жүрүшү күтүлөт.

Андыктан, арыктарды чаап-тазалап, жээгин дагы ыраса бекемдеп, таштанды таштабоо абзел!

Өзгөчө кырдаалдар минитрлиги соңку саатарда ушундай эскертүү жасады.Маалыматка караганда, ушул жылдын 13-июлунан 17-июлуна чейинки аралыкта туруксуз аба ырайы жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн. Дарыяларда дагы суунун деңгээли ого бетер көтөрүлөт.

Андыктан, коопсуздук эрежелерин бекем сактаныңыз! Арыктарды тазалап, жээгин бекемдеңиз жана таштанды таштабаңыз. Турак үй жайгашкан жерде жаан суулары агып өтүүгө ылайыкталган арыктын болушун камсыздаңыз! Үй же сарай салууда, эгин айдоодо сел жүрүү кооптуулугу бар тилкелерден алыс экенине өзгөчө көңүл буруңуз. Сел учурунда дароо коопсуз жайга кетиңиз! Мүмкүнчүлүк болсо үйдөгү жарык, суу жана газды өчүрүп чыгыңыз!

Алишер ТОКСОНБАЕВ өз кабарчы