222 Бардыгы /

Ош облустук милициясынын кайгуул күзөт батальонунда Кыргыз милициясынын 100 жылдыгына карата маданий жана спорттук иш-чара жыйынтыкталды. Бул туурасында Ички иштер министрлигинен билдиришти.Ааталган иш-чарага президенттин Ош облусундагы ыйгарым укуктуу өкүлүнүн орун басары Курманбек Айтибаев баштаган өкүлчүлүктүн жооптуу кызматкерлери, Ош облустук ички иштер башкармалыгынын жетекчилери жана Ички иштер органдарынын ардагерлери катышты.

Анын жүрүшүндө катышуучуларга учурдагы кызматтык кийимдердин үлгүлөрү, байланыш жана атайын техникалары, курал-жарак, атайын каражаттар, кызматтык автоунаалар дагы тааныштырылды.

Ал эми өздүк курамдын кызматкерлери саптык жүрүш жана ок атуучу курал менен аткарылуучу ыкмаларды, ошондой эле массалык баш аламандык учурунда жарандарга коркунуч келтирген чабуулдардын мизин кайтаруучу күжүрмөн ыкмаларды чеберчилик менен көрсөтүштү.

Ошондой эле иш-чаранын жүрүшүндө аталган кызматтын уюшулгандан берки тарыхын камтыган даректүү фильм дагы көрсөтүлдү.Ошентип, Кыргыз милициясынын түптөгөн күнүнөн тартып, азыркы учурга чейин басып өткөн тарыхын чагылдырган видеоролик дагы көрсөтүлөт иш-чара ушуну менен жыйынтыкталды.

Алишер ТОКСОНБАЕВ өз кабарчы