252 Бардыгы /

        Кечээ, 20-августта, эрте менен Ош облусунун Өзгөн районунда жол тескөөчүнү автол эми аунаа сүзүп кетти. Айдоочу окуя болгон жерден качып кеткен.

        Ош облустук жол кыймылынын коопсуздугун камсыздоо бөлүмүнүн маалыматына ылайык, Өзгөн шаарынын Ленин көчөсүндө ак түстөгү «Лексус 407» унаасы Өзгөн райондук ички иштер бөлүмүнүн жол кыймылынын коопсуздугун камсыздоо бөлүмүнүн кенже тескөөчүсү, милициянын прапорщиги Жыргалбек Назаровду сүзүп кеткен.  Мунун кесепетинен Өзгөн райондук ички иштер бөлүмүнүн жол кыймылынын коопсуздугун камсыздоо бөлүмүнүн кенже тескөөчүсү, милициянын прапорщиги Жыргалбек Назаров денесинен жараат алып, а түгүл буту сынып, Өзгөн райондук ооруканасына дароо жаткырылган.

        Баса, айдоочу окуя болгон жерден дароо изин жашырган. Бирок, кылмышкерди изи суй электе Кара-Кулжа районунун Кара-Кочкор айылынан кармашты. Айыпталуучу 2004-жылы туулган Э.С. экендиги аныкталды.

Алишер ТОКСОНБАЕВ, өз кабарчы