30 Бардыгы /

Баткен облусуна караштуу Лейлек районундагы жападан жалгыз №48-кесиптик-техникалык лицейинин ушул таптагы акыбалы мышык ыйлагыдай кейипте. Бул туурасында кабарчыбызга Жогорку Кеңеш депутаты Камила Талиева билдирди.

Лейлек районундагы №48-кесиптик-техникалык лицейи куруучуларды, электр ширетүүчү, сантехниктерди, тигүүчүлөрдү жана ашпозчу-кондитерлерди даярдайт.

Бул лицейде ушул тапта 259 окуучу билим алышат. А булардын 195и – чек ара аймактарында жашап жатышкан социалдык абалы начар үй-бүлөлөрдүн уул-кыздары.

Окуу жайдын имараты өткөн кылымда, тактап айтканда, 1933-жылы курулган. Ушул эле жерде 75 окуучу билим дагы алышат, ошондой эле жашап дагы турушат.

– Ушул тапта аталган имарат пайдаланууга таптакыр эле жараксыз. Ал эми жатаканыбыздын төбөсү улам ийилип гана баратат. А дубалдары кулагалы араң эле турат, – деп тызылдады Лейлек районундагы жападан жалгыз №48-кесиптик-техникалык лицейинин Болотбек Дербишов.

– Жапжаңы имараттан тышкары 100 орундуу жатаканага дагы муктажбыз! Баса, жергиликтүү бийлик жетекчилери №48-кесиптик-техникалык лицейинин Болотбек Дербишовго жогорку органдарга кайрылууну сунуш этүү менен гана чектелип келатышат. А президентке, премьер-министрге коңгуроо кагышса, эмне болбойт бекен?!?

Алишер ТОКСОНБАЕВ өз кабарчы