3 Бардыгы /

Ош облустук казыяты жетиштүү диний билими бар, адис аялдарды диний радикализмдин алдын алуу үчүн мындан ары түшүндүрүү жараянын жүргүзүүгө тартат. Бул туурасында Кыргызстан мусулмандар дин башкармалыгынан кабарлашты.

Ошентип, жогорудагы демилгегег ылайык, Ош облустук казысынын орун басары басары Абдималик Турсунбеков азырынча Ноокат, Араван, Өзгөн жана Кара-Суу райондорундагы жетиштүү диний билими бар аялдар менен жолугуп, аларды кызматташууга чакырды жана келишим түзүлдү.

– Дин кызматкерлери түшүндүрүү иштерин мечиттерде, жума баяндарда, эл көп чогулган той-аштарда негизинен эркектерге жеткирип келебиз. Ал эми аялдарга терс агымдарга кирип кетүүсүн алдын алуу максатында түшүндүрүү жараянын жүргүзүүдө жана иш-чараларды уюштурууда атайын адистер керек болууда. Аялдарга түшүндүрүү иштерин аялдар айтып жеткирсе деген ойдо атайын сиздерди дасыккан адис катары таанып, биргеликте кызматташсак. Аял – үйдүн куту, бала тарбиясында орду чоң. Ошол себептен аялдарга Ханафий мазхабын, Матуридий акыйдасын туура жеткирүү абзел! – деди Ош облустук казысынын орун басары басары Абдималик Турсунбеков.

А буга дейре Кыргызстанда муфтияттагы жетекчилик орундардын бирин аялга берүү, кыз-келиндер менен иштөө бөлүмүн түзүү демилгеси көтөрүлгөн жана кызуу талаш-талкуу жараткан. Расмий маалыматка караганда, муфтиятка караштуу диний окуу жайлардын 25 пайызы – кыз-келиндер.  Август айынын аягында “Дин тутуу эркиндиги жана диний бирикмелер жөнүндө” жаңы мыйзам долбоору коомдук талкууга коюлган. Документте никаб, паранжы жана үймө-үй кыдырып үгүт кылууга байланыштуу тартип-эрежелер жазылган.

Ал эми ушул айдын башында президент Садыр Жапаров тиешелүү жетекчилер менен атайын кеңешме өткөрүп, жаңы мыйзам долбоорунун макулдашылган вариантын Жогорку Кеңештин кароосуна киргизүү чечимин кабыл алынгандыгы белгилүү болгон. Бирок, анын маани-мазумуну азырынча жарыялана элек.

Алишер ТОКСОНБАЕВ өз кабарчы