3 Бардыгы /

Улуттук коопсуздук боюнча мамлекеттик комитеттин (УКМКнын) төрагасы Камчыбек Ташиев Ош-Ноокат автоунаа жолунун курулушунан жеринде кабар алып, бул жол айтылган мөөнөтүндө бүтпөсө, анда жолчуларга катаал чара көрүлөөрүн катуу эскертти.

Камчыбек Ташиев көпүрөлөрдүн жана жолдун курулушу буга дейре мерчемделген – 30-октябрга чейин бүтүшү керектигин катуу эскертип, сапатка дагы өзгөчө көңүл буруу керектигин билдирген. Ош-Ноокат автоунаа жолун куруу маселеси 2016-жылдан бери көтөрүлүп келатат. Буга чейин Жапониянын JICA агенттиги жолду 50 миллион долларга оңдоп-түзөөдөн өткөрө тургандыгы айтылып, жол четиндеги 200дөн ашык курулуш катарынан сүрдүрүлгөн.

Ал эми 2023-жылы аталган автоунаа жолунун биринчи катмарына асфальт басылып, көп узабай жергиликтүүлөр анын сапатына нааразы экендиктерин айтып чыгышкан.

Алишер ТОКСОНБАЕВ өз кабарчы