21 Бардыгы /

Ош облусуна караштуу Ноокат шаарында жер үстүндөгү өтмөк куруу пландаштырылууда. Бул туурасында Архитектура, курулуш жана турак жай-коммуналдык чарба мамлекеттик агенттигинен билдиришти.

Маалыматка караганда, аталган өтмөктүн долбоору Ноокат шаарынын инфрастүзүмүнө ого бетер жакшыртуу жана эл көп жүргөн көчөлөрдө жөө жүргүнчүлөрдүн коопсуздугун камсыздоо максатында Ноокат шаарынын райондук шаар куруу жана архитектура башкармалыгы тарабынан иштелип чыкты. Белгиленгендей, долбоор заманбап архитектуралык жана инженердик чечимдерди эске алуу менен иштелип чыккан.

Анда жарандардын ар кандай категориялары, анын ичинде майыптыгы бар адамдар үчүн коопсуздуктун жана жеткиликтүүлүктүн бардык талаптарына жооп берген ыңгайлуу, коопсуз жана эстетикалык жактан жагымдуу өтмөк түзүүнү карайт.

Долбоор төмөнкүлөрдү ичине камтыйт:

оптималдуу туурасы бар ынгайлуу жөө жүргүнчүлөрдүн жолдору, бул сизге тыгын жолдордон оңой жана тез өтүүгө мүмкүндүк берет;

жарандар үчүн жагымдуу атмосфераны түзүүчү ландшафттык дизайн элементтери;

региондун климаттык өзгөчөлүктөрүн эске алуу менен өтүүнүн туруктуулугу жана ишенимдүүлүгү үчүн заманбап материалдар;

түнкүсүн коопсуздукту жогорулатуу үчүн жарыктандыруулар.

Айтмакчы, жер астындагы өтмөктөр буга дейре Ош жана Өзгөн шаарыланда курулуп, пайдаланууга тапшырылган

Алишер ТОКСОНБАЕВ өз кабарчы