54 Бардыгы /

Токтогул районунда алдамчылыкка шектелип 24 жаштагы аял киши кармалды. Бул туурасында Жалал-Абад облустук ичик иштер башкармалыгынын басма сөз кызматынан билдиришти.

 Маалыматка караганда, ушул жылдын 20-ноябрында милицияга Токтогул районун 14 тургуну арыз менен кайрылган. Анда ал 2024-жылдын 15-август күнү Токтогул шаарынын убактылуу жашоочусу А.Т. аттуу келин алардын ишеничине кирип, аларды ар кайсыл банктан кредит алдыртып, алган суммасынын 10 пайыз менен банктан үстөк пайызын кыскартып беремин деп алдап кеткени жазылган. Мунун кесепетинен аймактын 14 жашоочусу жалпы суммасы 2,169,200 (эки миллион бир жүз алтымыш тогуз миң) сомдук чыгым тартышкан.

 Аталган факты дароо катталып, бул жоруктун негизинде Кылмыш-Жаза Кодексинин 209-беренеси («Алдамчылык») менен кылмыш иши козголгон. 21-ноябрда Токтогул РИИБсынын кылмыш иликтөө бөлүмүнүн кызматкерлеринин ыкчам иш аракеттеринин негизинде, 2000-жылы туулган Ноокен районунун тургуну А.Т. аттуу келин Бишкек шаарынан кармалып, Токтогул РИИБсынын убактылуу кармоочу жайына киргизилди. Ал эми 2024-жылдын 22-ноябрь күнү Токтогул райондук соту тарабынан шектүүнүн бөгөт коюу чарасы тандалып алынып, камакка алынды. Ушул тапта тергөө амалдары кызуу жүрүп жатат.

Алишер ТОКСОНБАЕВ, өз кабарчы