6 Бардыгы /

Кыргыз Республикасынын суу ресурстары, айыл чарбасы жана кайра иштетүүчү өнөр жай министрлиги «АгроЗооВет» программасы боюнча өлкөбүздөгү айыл чарба жана фермердик чарабалардын адистерин окутууну кайрадан жандандырды.

Аталган иш-чаранын жүрүшүндө дасыккан адистер төмөнкү темалардын тегерегинде Ош обулусунун Өзгөн районунда мыкты лекцияларды окуп жатышат:

– Айыл чарбасында талапкерлер кайсыл адистиктерге тапшырып, аны бүткөндө андан ары иштеп кете алышат?

– Фермерлер жана фермалар кантип киреше табышат?

– Фермердик чарбаны кантип туура негиздөө кекрек?

– Өндүрүлгөн продукцияларды кайда жана кантип соодалоо кажет?

– Экспортко ыктоо жана анын зарылчылыгы?

– Заманбап технологияны жана ыкмаларды кантип колдонуу абзел?

Ошентип, атайын сабактын жүрүшүндө өзгөндүк фермерлер жана жер пайдалануучулар жаңы билимдерди алышып, жазгы талаа жумуштарына даярдыкты дагы ого бетер күчөтүштү. Эң башкысы: жергиликтүү адистер заманбап жана акыркы үлкүдөгү агротехнологияларды пайдаланууну ыкчам үйрөнүп атышат.

Ал эми кербенге катышкан айыл чарбасынын дасыккан адистери үрөндөрүн сапаты, субсидицияланган өсүмдүктөрдү өстүрүү, өсүмдүктөрдү коргоонун жаңы чаралары, күйүүчү-майлоочу заттарды сарамжалдоо, ошондой эле органикалык жер семирткичтерди пайдалануу жаатында кызыктуу сабактарды өтүп жатышат.

Жыйынтыктап айтканда, мындай көргөзмөлүү окуулар – сабактар болочокто айыл чарба тармагынын ырааттуу өнүгүшүнө, айыл чарба жана фермердик чарабалардын дасыккан адистер менен толукталышына гана өбөлгө жаратаары шексиз.

Алишер ТОКСОНБАЕВ, өз кабарчы