6 Бардыгы /

        Баткен обулусунун борбору Баткен шаарында 2008-жылы туулган М.Ч. жана А.Д. аттуу эки өспүрүм 8-февраль күнү таңкы саат 6:00 чамасында өз ара чырдашып, А. Д. аттуу өспүрүм теңтушунун көкүрөгүнүн сол жагына аш бычак менен сайып жиберген. Бул тууралуу Баткен облустук ички иштер башкармалыгынан эми гана  билдиришти.

Маалыматка караганда, атайылап бычактоонун кесепетинен жараат алган бала ооруканага жеткирилип, жандандыруу бөлүмүнө кабыл алынган. Милиция билдиргендей, чатак 8-февралга караган түнү саат 00:30 чамасында башталган. Пикир келишпестиктен улам уруша кетишкен балдар андан ары үйүнө тарап кетишкен. Бул окуяны Баткен ШИИБсы Кылмыш-Жаза  Кодексинин 130-беренеси («Ден соолукка оор залал келтирүү») менен бирдиктүү реестрге каттап, тийиштүү экспертизаларды дагы дайындаган. Ушул тапта тергөө абдан кызуу жүрүп жатат. Анын жыйынтыгына жараша окуяга укуктук баа берилээри дагы күтүлүүдө.

Теңтушуна бычак шилтеген өспүрүмдүн бөгөт чарасын Баткен райондук сотунун тергөө судьясы ушул жылдын 8-февралында карап, төспүрүм ата-энесинин көзөмөлүнө өткөрүлүп берилди. Милициянын белгилешинче, бул эки өспүрүм тең мектеп окуучулары эмес, алар 9-классты аяктагандан кийин мектепте окуусун таптакыр улантышпаган.

/стүбүздөгү жылдын 12-февралында Кара-Суу районундагы №39-Адылбек Султанов атындагы орто мектептин 9 жана 11-классынын окуучулары дагы өз ара чатакташып, мунун кесепетинен 9-класста окуган өспүрүм каза тапты. Билим берүү жана илим министрлиги бул окуялар боюнча мугалимдер жана бир катар жетекчилер жоопкерчиликке тартылгандыгын шардана кылды. Ал эми Ички иштер министрлигинин маалыматына таянсак, былтыр он айда Кыргызстанда 75 бала өз жанын кыйган. Алардын жакындары балдары мектептеги чоңсунуудан улам суицидге барышкандыгын айтышса, милиция буларды дээрлик төгүндөп гана келатат.

Алишер ТОКСОНБАЕВ, өз кабарчы