27 Бардыгы /

Кыргыз Республикасынын Башкы прокуратурасы тарабынан жер тилкелерин мыйзамсыз кайра берүү(акысыз, экинчи ирээт)фактысы боюнча кылмыш иши козголуп, мамлекетке 56,3 млн сом зыян келтирилгендиги аныкталган.

КРдин Башкы прокуратурасынын маалымат кызматы билдиргендей, аталган жерлер Сокулук районунун Новопавловка жана Ат-Башы айыл өкмөттөрүнүн, ошондой эле каттоо органдарынын кызматкерлери тарабынан 2018–2022-жылдар аралыгындажер мыйзамдарын талаптарын бузуу менен 38 жаранга (жалпы аянты 1,6 га)турак жай куруу үчүн экинчи ирет жер тилкелери берилген фактылары тастыкталган.

Ошол эле учурда, мыйзамдуу түрдө акысыз турак жай курууга жер алуу үчүн кезекте турган жарандаржер тилкесин алуу мүмкүнчүлүгүнөн ажыратылган.

Белгиленген мыйзам бузуулар боюнча Башкы прокуратура тарабынан Кылмыш-жаза кодексинин 337-беренеси (Кызмат абалын кыянаттык менен пайдалануу)менен кылмыш иш козголуп, тергөө амалдары жүргүзүлүүдө.