24 Бардыгы /

ОшМУнун филология жана маданият аралык коммуникация институтунун роман-германдык филология кафедрасынын башчысы Тойчу Кабылов жана окутуучу Максат Тотобаев АКШдагы CIES-2025 Эл аралык конференциясына катышышты. Аталган иш-чара АКШнын Чикаго шаарында өткөрүлдү.

Тойчу Кабылов «Кыргызстандагы билим берүү: Чакырыктар жана перспекттивалар» аталышында Назарбаев университетинин профессору Д.Шаматов, БААУнын деканы  Д.Карабаев менен биргеликте тушоо кесүү жасады. Ал эми Максат Тотобаев Кыргызстандагы көп тилдүүлүк боюнча кеңири маалымат таратты.  

CIES мүчөлөрү билим берүүнүн ар кандай маселелерин такай изилдешет. Булар: мектепке чейинки жана башталгыч билим берүүдөн тартып, жогорку билим берүү, формалдуу эмес окутуу чөйрөлөрүнө чейин.  Ошондой эле уюмдун мүчөлөр гендердик, этникалык, тилдик жана социалдык-экономикалык теңсиздиктер сыяктуу темаларды же билим берүү менен маданий жараяндардын, демократиялаштыруунун, экономикалык өнүгүүнүн, глобалдаштыруунун жана саясий жаңжалдардын ортосундагы мамилени дагы ырааттуу салыштырышат.

CIES — дүйнө жүзүндөгү 47 Салыштырма жана Эл аралык билим берүү коомдорунун эң чоңу жана эң байыркысы. Аталган коом 3,5 миңден ашуун жеке мүчөлөрдү, изилдөөчүлөрдү, аналитиктерди, адистерди жана студенттерди ичине камтыйт.

Алишер ТОКСОНБАЕВ, өз кабарчы