24 Бардыгы /

Эл аралык EPAM Кыргызстан АйТи компаниясы менен Ош мамлекеттик университети бир нече багыттар боюнча мындан ары тыгыз кызматташат. Анткени, аталган компаниянын жетекчиси Алмаз Чаначев ОшМУнун ректору, профессор Кудайберди Кожобеков менен эки тараптуу келишимге кол коюшту.

Кол коюлган Макулдашууга ылайык IT тармагы боюнча биргеликте эл аралык долбоорлорду, жаңы программаларды түзүү, студенттерди практикадан өткөрүү жана жумуш менен дагы камсыздоо каралган. Ошондой эле билим берүү жана дагы кесиптик өнүгүү чөйрөсүндө өз ара өнөктөштүк орнотууга багытталып, ар тараптуу жана туруктуу кызматташтыкты толук кандуу камсыз кылат.

EPAM Systems Inc 1993-жылы негизделип, АКШда жайланышкан ири IT-компания болуп эсептелет. Башкы кеңсеси Пенсильвания штатынын Ньютаун шаарында жайгашкан. Компаниянын Дүйнөнүн кырктан ашуун өлкөсүндө өзүнүн кеңселери бар. Бул ишкана жер шаары боюнча 53 миңге жакын жаранды туруктуу жумушка чегерген.

Ал эми EPAM Кыргызстан компаниясынын 200дөн ашуун кызматкери бар. Алдыда бул санды дагы ого бетер көбөйтүү максатында АйТи өңүтүнүн мыкты бүтүрүүчүлөрүн жумушка тартуу мерчемделген. 

Алишер ТОКСОНБАЕВ, өз кабарчы