48 Бардыгы /

Тогуз-Торо районунун Отор Чопиев атындагы балдар өспүрүмдөр спорт мектебинде Тогуз-Торо районунун түзүлгөндүгүнүн 90 жылдыгына карата спорттун шахмат түрү боюнча мелдеш болуп өттү.

Мелдеш улуу муундар арасында өткөрүлүп, ага айыл аймактардагы 15 шахмат сүйүүчүлөр катышты. Келген катышуучуларды райондук Аманкан Жакишов атындагы жалпы дарыгерлер практика борборунун медицина кызматкерлери “Жооптуу бол!” акциясынын алкагында медициналык кароодон өткөрүп, жугуштуу эмес оорулар жана туура тамактануу боюнча лекция окулуп, суроолорго жооп беришти

Соңунда жеңүүчүлөргө акчалай сыйлыктар тапшырылды.

1-орун Молдобаев Көлбай

2-орун Токоев Шамшидин

3-орун Молдобаев Кубанбай

Белгилей кетсек улуу муундар арасында өткөн шахмат спорттук оюну шахмат сүйүүчүлөр үчүн баарлашуу аянтчасы түзүү жана шахматка кызыгууну жайылтуу болуп саналат.

Оюнду Тогуз-Торо райондук мамлекеттик администрациясынын каржылоосунда райондук спорт инструктору жана Отор Чопиев атындагы Тогуз-Торо райондук балдар өспүрүмдөр спорт мектеби менен биргеликте уюштурулду.

Элиза АКЖОЛТОЕВА, Тогуз-Торо району