12 Бардыгы /

Кыргызстандын Түштүк башкаласында мындан ары заманбап жаңы өндүрүш аймактарын  түзүү пландаштырылып жатат. Бул туурасында Ош шаар  мэриясынан кабарлашты.

Анткени, Ош шаарынын мэри Жанарбек Акаевтиешелүү мекеме-ишканалардын жетекчилери менен чогуу болочокто ишканалар курула турган аймактарды өзү баштап чекесинен кыдырды. Мэрдин айтымында, жаңы өндүрүштүк аймактарды куруу калаанын экономикалык жактан ыкчам өнүгүшүнө чоң салым кошот. Ошондой эле ишкерлер үчүн ыңгайлуу шарттарды жаратылып, жергиликтүү тургундарды туруктуу жумуш менен камсыздоого дагы өбөлгө жаралат.

Өндүрүш зоналары түзүлө турган аймактар:

Озгур айылына агрардык өндүрүш;

Жапалакка тамак-аш өндүрүшү;

Алымбек датка муниципалдык аймагына оор өнөр жай тармагы;

Жибек Жолу муниципалдык аймагына жеңил өнөр жай өндүрүштүк  аймагы.

Ош шаарынын мэри Жанарбек Акаев калаанын тиешелүү кызматтарына белгиленген аймактарда келечектеги өндүрүш аймактарын түзүү боюнча деталдуу иш-пландарды иштеп чыгуу боюнча тапшырмаларды дагы берди.

Алишер ТОКСОНБАЕВ, өз кабарчы