12 Бардыгы /

Ош облусуна караштуу Кара-Суу районундагы Жаңы-Арык айылында жайланышкан “Восточные строительные материалы” ЖЧКсы – ишканасы курулуш кышын жана газоблокторду өндүрүүгө адистешкен. Долбоор күнүнө 200 миң даанага чейин кирпич өндүрүү кубаттуулугу менен күйгүзүлгөн кыш жана газобетон блокторун чыгаруучу өндүрүштү ичине камтыйт. Долбоордун жалпы инвестиция көлөмү 10,5 миллион АКШ долларын чапчыйт.

Аталган компания пайдаланууга тапшырылгандан тартып Кара-Суу районунун Ынтымак айыл өкмөтүнүн бюджетине ыктыярдуу төлөмдөрдү жүргүзүп келатат. Биринчи жылы 35 миллон сом которуу каралган, ал эми кийинки жылдары жыл сайын 5 миллион сомдон социалдык инфратүзүмдү өнүктүрүүгө жана жергиликтүү калкты социалдык жактане колдоого багытталат.

Баса, аталган долбоорду жүзөгө ашыруу жаңы жумуш орундарын түзүү жана бюджетке салыктык түшүүлөрдүн көбөйүшү менен дагы коштолууда. Ошондой эле ишкананын ишке киргизилиши аймактагы курулуш тармагынын өнүгүшүнө жана Ош облусунда инвестициялык активдүүлүктүн жогорулатууга дагы өбөлгө жаратууда.

Алишер ТОКСОНБАЕВ, өз кабарчы