12,359 Бардыгы /

18-ноябрда КР Өкмөттүнүн Жалал-Абад облусундагы өкүлчүлүгүнүн имаратында прокуратура кызматкерлеринин кесиптик майрамы жана КРнын прокуратурасынын 90 жылдыгы белгиленди.

Өкмөттүн областтагы өкүлү Жумагул Эгамбердиева областтын аймагында мыйзамдын аткарылышын камсыз кылып, көзөлдөп жаткан прокуратура кызматкерлерин 90 жылдык мааракеси жана кесиптик майрамы менен куттуктап, өзгөчө К. Батыровдун мүлктөрүн улутташтырууда областтык прокуратура кызматкерлеринин орду зор экендигин белгиледи.

-Жалал-Абад областтык жана район-шаардык прокуратуралар 2010-жылдагы июнь каргашасына байланышкан кылмыштарды тергөөдө да чон салымдарын кошушканы жалпыга маалым. Жүргүзгөн тергөө ишмеринин жыйынтыктары менен ондогон кылмышкерлер оөмүр бою эркинен ажыратуу жазаларына чейинки жазаларга кириптер болушту. Ушул окуяларга түздөн-түз тиешелүү Кадыржан Батыровдун 263 млн. сомдук 28 ири объектиси мамлекет пайдасына конфискацияланды,-деди Ж. Эгембердиева.
Андан кийин Өкүлчүлүктүн атынан прокуратура кызматкерлерин Ардак Громата жана акчалай сыйлыктар менен сыйлады.
Ошондой эле Жалал-Абад областынын прокурору, юстициянын 1-класстагы кеңешчиси Кылычбек ТОКТОГУЛОВ кенири баяндама жасап прокуратуранын тарыхын боюнча маалымат берди.
-Жалал-Абадда прокуратура органдары алгачкы жолу 1925-жылы түзүлгөндугу жөнүндө архивдик маалыматтарда учурайт. Бирок, дагы бир маалыматтарга таянсак, Жалал-Абад округунун биринчи прокурору 1924-жылы 29-ноябрда Безносиков Михаил Петрович болгону тууралуу маалыматтар бар. Демек, Кыргыз прокуратурасы тузулгондон 1 жумадан сон эле Жалал-Абад облустук прокуратурасынын тарыхы башталат десек болчудай. Албетте бул жагдайлар кошумча изилдоолорду талап кылат.
1926-жылы округдар кантонго айландырылганда кантондук прокуратура болуп калган. Жалал-Абад облустук прокуратурасы 1959-жылдын 6-февралына чейин, башкача айтканда Жалал-Абад облусу жоюлуп Ош облусуна кошулуп кеткиче оз алдынча прокуратура болуп иштеп келген.
1991-жылы Жалал-Абад областы кайра уюштурулганда областтык прокуратура кайрадан түзүлүп, ушул кезге чейин мамлекетке, элге кызмат кылып ишмердүүлүгүн жүргүзүп келе жатат,-деди К.Токтогулов

Жыйында Жалал-Абад областында прокуратура системасынын өнүгүшүнө бир катар инсандар өздөрүнүн баалуу эмгектерин арнашып, жетектеп келишкени айтылды . Алардын бир катары кийин өлкөнүн Башкы прокуратурасын да башкарып турушту. Алардын катарында Абдугапаров Абибула Абдугапарович (1991-1995-ж.ж.), Абышкаев Чубак Садыкович (1995-1998-ж.ж.), Бакиев Кубанычбек Бакиевич (1998-2001-ж.ж.), Кудайбергенов Зоотбек Чороевич (2001-2002-ж.ж.), Турганбаев Айбек Калмакович (2002-2003-ж.ж.), Кожоналиев Кубатбек Азатович (2003-2004-ж.ж.), Ибраев Байтемир Карыпбекович (2005-ж.), Халмурзаев Абдибакыт Алыбаевич (2005-2007-ж.ж.), Бактыбаев Рыскул Гыламидинович (2007-2008-ж.ж.), Шерипбаев Абдыганы Момунбекович (2008-2010-ж.ж.), Турдумамбетов Каныбек Жолдошбекович (2010-2011-ж.ж.), Джээналиев Нурлан Токтожумаевич (2011-2012-ж.ж.) облустун прокуратурасын жетектеп келишкени айтылды
.
Жалал-Абад областтык жана район-шаардык прокуратуралар 2010-жылдагы июнь каргашасына байланышкан кылмыштарды тергоодо да чон салымдарын кошушканы жалпыга маалым. Жургузулгон тергоо ишмеринин жыйынтыктары менен ондогон кылмышкерлер омур бою эркинен ажыратуу жазаларына чейинки жазаларга кириптер болушту. Ушул окуяларга түздөн-түз тиешелүү Кадыржан Батыровдун 263 млн. сомдук 28 ири объектиси мамлекет пайдасына конфискацияланды. Бугунку кундо да июнь окуясындагы бети ачылбай калган кылмыш иштердин бетин ачуу, улуттар аралык жанжалдардын кайталанбашы учун прокуратура органдары иш аракеттерди улантып келуудо.

Белгилей кетчү нерсе – Азыркы кезде областтагы прокуратура органдарында 98 оперативдик кызматкер эмгектенип жатышса, алардын ичинен 7 кызматкер аялдар.

Самат Токтоев, Аymak.kg