1,604 Бардыгы /

ОШ. Кыргыз Республикасынын Тышкы иштер министрлигинин Кыргызстандын түштүк аймактары  боюнча Ыйгарым укуктуу Өкүлчүлүгүнүн жетекчиси Мирланбек Исмаилов Герман эл аралык кызматташуу уюмунун «Кыргызстанда туруктуу экономиканы өнүктүрүүгө көмөктөшүү» Программасынын координатору Назира Маткадырова жана Эл аралык Кызыл Крест коомунун Ош шаарындагы кеңсесинин башчысы Абдымомун Умаров менен жолугушту.

Жолугушуулардын алкагында тараптар Герман эл аралык кызматташуу уюмунун Ош облусун экономикалык өнүктүрүү боюнча Программасын жана Эл аралык Кызыл Крест коомунун саламаттыкты сактоо жана жергиликтүү инфратүзүмдөрдү жакшыртуу чөйрөсүндөгү долбоорлорунун аткарылышын, ошондой эле Герман эл аралык кызматташуу уюмунун Программасынын жана Эл аралык Кызыл Крест коомунун кеңсесинин мындан аркы ишмердигин дагы ачык-айкын талкуулашты. Буга улай тараптар Кыргызстандын Ош, Жалал-Абад жана Баткен облустарынын экономикалык жана туристтик дараметин чыңдоо жаатында 2019-жылга карата өз ара кызматташуу мүмкүнчүлүктөрүн дагы катуу карап чыгышты.

Соңунда Кыргыз Республикасынын Тышкы иштер министрлигинин Кыргызстандын түштүк аймактары  боюнча Ыйгарым укуктуу Өкүлчүлүгүнүн жетекчиси тарабынан экономика, туризм жана жергиликтүү инфратүзүмдү өнүктүрүү чөйрөсүндөгү бир атар долбоорлорду жүзөгө ашырууда мындан ары тыгыз кызматташууну улантуу зарылчылыгы баса белгиленди.

Алишер ТОКСОНБАЕВ, өз кабарчы