Аймак

ЭАУ СОВЕТТИК АСКЕРЛЕРДИН ООГАНСТАНДАН ЧЫГАРЫЛГАНЫНЫН 30 ЖЫЛДЫК МААРЕКЕСИНЕ АРНАЛГАН САЛТАНАТКА КАТЫШТЫ

ЭАУ СОВЕТТИК АСКЕРЛЕРДИН ООГАНСТАНДАН ЧЫГАРЫЛГАНЫНЫН 30 ЖЫЛДЫК МААРЕКЕСИНЕ АРНАЛГАН САЛТАНАТКА КАТЫШТЫ

 1,845 Бардыгы /

К.Ш. Токтомаматов атындагы Эл аралык университеттин (ЭАУ) ректораты жана студенттери үстүбүздөгү жылдын 15-февралында советтик аскерлердин Ооганстандан чыгып кеткендигинин 30 жылдык маарекесине арналган салтанатка активдүү катышып, Ооган согушунун ардагерлеринин эстелигине гүлчамбар, гүлдөрдү коюшту. Бул тууралуу окуу жайдан билдиришти.

Аталган жалпы шаардык иш-чара Жалал-Абад шаарынын Жеңиш паркында өткөрүлдү. Иш-чараны Жалал-Абад шаарынын мэриясы менен Жалал-Абад шаарынын Согуш жана эмгек ардагерлеринин кеңеши уюштурушкан. ЭАУнун ректораты, профессор-окутуучулар курамы жана студенттери жыл сайын Ооган согушунун ардагерлерине арналган ушундай иш-чараларга активдүү катышып келет.

Ооган согушунун ардагерлери ушул күнгө чейин мекенге күжүрмөн кызмат кылуунун, эр жүрөктүүлүктүн жана каармандыктын жаркын үлгүсү болуп келишүүдө. Совет доорунда Кыргызстандан Ооган согушуна 7141 аскер катышып, алардан 300 адам салгылашууларда курман болуп, 4 дайынсыз жоголуп, 1500 жарадар болушкан… Ошол согуштун жоокерлери ар дайым эсибизде!

“Аймак”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17