949 Бардыгы /

БАТКЕН. «Мамлекеттик ирригацияны өнүктүрүү Программасынын алкагында жаңыдан өздөштүрүлчү жалпы 65 миң гектар жердин 30 миң гектары, же 46 пайызы Баткен областына гана тиешелүүү! – деп баса белгиледи Кыргыз Республикасынын Президенти Сооронбай Жээнбеков Баткен облусунун Кадамжай районунун жашоочулары менен жолугушуусунда.

Мамлекет башчысы 2017-2026-жылдарга карата бекитилген Мамлекеттик ирригацияны өнүктүрүү Программасыбоюнча 634 гектар жаңы сугат жер колдонууга берилип, 1901 гектар жерлердин суу менен камсыздалышы жогорулап, 1600 гектар жерлердин мелиоративдүү абалы жакшыргандыгын өзгөчө белгиледи. Ал белгилегендей, аталган Прогамманы ишке ашырууда долбоорлор 3 топко бөлүнгөн. Биринчи топко кирген 17 ирригациялык обьектилерди куруунун каржы булактары аныкталган.Экинчи топко кирген 14 обьектилерин весторлордун жардамы аркасында гана курулат. Ушул тапта сүйлөшүүлөр дээрлик аяктап калды.

Биринчи жана экинчи топтогу долбоорлор 2023-жылга чейин жүзөгө ашырылат. Мунун алкагында жалпы суммасы 256 миллион доллар, башкача айтканда 18 миллиард сом суммасында каржыланган 31 суу-чарба обьектилери ишке берилет. Натыйжада 27 миң гектар жаңы сугат жер пайда болот. Калган 3-топтогу 12 долбоор 2026-жылга чейин ишке ашырылат.

-Миграциянын агымы көп Баткен облусу үчүн ирригацияны өнүктүрүү маселеси абдан маанилүү. Анткени, Кадамжай жергесинде дагы маселелеркөп.Учурда Боз-Кара-Кыштак каналынын, МолдоНияз каналынын курулуш иштери кызуу жүрүп жатат. Жаңы дың жаткан жерлер өздөштүрүлүп, пайдаланууга тапшырылса, жаңы жумушчу орундары дагы түзүлөт. Анан миграциянын агымыдагы азаят. Ошондуктан, ирригацияны өнүктүрүү Программасын ишке ашыруу баткендиктер үчүн өтө маанилүү! – деп баса белгиледи Президент Сооронбай Жээнбеков.

Алишер ТОКСОНБАЕВ, өз кабарчы