1,309 Бардыгы /

БИШКЕК. Кыргыз Республикасынын Президенти Сооронбай Жээнбеков Улуттук статистика комитетинин төрагасы Акылбек    Султановду кабыл алды. Анда 2020-жылы Кыргызстанда өтө  турган калкты жана турак-жай фондун каттоого даярдык маселеси, республиканын каттоо системасын өнүктүрүү боюнчачаралар жана милдеттер, айрыкча экономиканы өнүктүрүү бөлүгүн талапка ылайык келтирүү,ошондой эле статистикалык маалыматтарды таркатуунун актуалдуулугу дагы кең-кесири талкууланды. 

Мамлекет башчысы калкты жана турак жай фондун каттоо — бул өлкөбүздүн аймагында жашаган бардык калктын социалдык, демографиялык жана экономикалык белгилери боюнча расмий эсепке алуунужүргүзүүгө толук мүмкүндүк бере турган өтө маанилүү иш-чара экендигин дагы баса белгиледи.
Каттоонун жыйынтыгы аркасында Кыргызстанды жана анын аймактарын өнүктүрүүнүн социалдык-экономикалык Программасын талдоого жана иштеп чыгууга дагы мүмкүнчүлүк жаратат. Ошондуктан, мамлекет башчысы алдыдагы калкты жана турак-жай фондун каттоону өлкөнү санариптештирүүнүн, электрондук форматка өтүү алкагында заманбап технологияларды колдонуу менен гана өткөрүү зарылдыгын дагы абдан баса белгиледи.

– Улуттук статистика комитети маалыматтарды гана чогултуу менен чектелбестен, аларды терең талдап, мамлекеттик түзүмдөргө талдоонун жыйынтыгы боюнча социалдык-экономикалык багыттагы сунуштарды дагы сөзсүз берүүсү кажет! Бул практиканы кайра жандантып, улантуу гана абзел! — деп кошумчалады Сооронбай Жээнбеков.

Мындан тышкары Президент Сооронбай Жээнбеков калкты жана турак-жай фондун каттоо боюнча иш чаралардын календардык планынын аткарылышына, административдик-аймактык чек араларды аныктоо, турак-жай карталарын жана республикалык эмгек классификаторун даярдалышына дагы абдан кызыкты.

Алишер ТОКСОНБАЕВ, өз кабарчы