3,638 Бардыгы /

 Эртенки келечек муундарыбыз элибиздин нарк насилин, ата-бабадан бери келе жаткан улуттук каада салттарын билип, барктап өссүн деген тилекте Жалал-Абад областык телевидениесинин Аксыдагы бөлүмү балдар бакчасындагы бөбөктөргө арнап Ак калпак акициясын жыл сайын өткөрүп келет.

Кезектеги акция Кашка-Суу айыл аймагында өттү. «Ак калпагын кут болсун, айланайын!» акциясы 5 жылдан бери өтүп жатат. Беш айыл аймагында өткөн ак калпак акциясында 300 гө жакын жаш балдарга ак калпак менен ак бата тартууланып келет.

Балдардын бакчага ак калпак кийип барам деп ыйлаганы, эртенки улутунун каада салтын сыйлаган муундардын өсүп келе жаткандыгынын белгиси дейт ата энелер.

Кашка-Суу айыл аймагындагы «Нур» балдар бакчасында учурда 80 бала тарбияланса, аларга 6 кызматкерлер билим тарбия беришет. Бүгүн 24 балага ак калпак кийгизилди. Ак калпактарды жеке ишкер, ушул айылдын тургуну Бакытбек Усупбаев демөөрчүлүк кылып алып келип берген. Бүгүнкү акцияга айылдык кенештин депутаттары, айыл аксакалдары, ата-энелер келишти. Алар бакчанынын балдары ак калпагы менен бирин-бири куттуктап жатканын көрүшүп кубанычтары чексиз болду. «Ак калпагын кут болсун, айланайын!» акциясына карата бакчаныны балдары ак калпак тууралуу ырларды, көркөм окууларды даярдашып, ата -энелерине концерт беришип, бийлерди билешип кубанычка бөлөштү. Баланын кубанычы-бул биздин кубаныч дейт бакчаныны башчысы Бегайым Назаралиева.

Балдар улутубуз кыргыз, урааныбыз Манас, мекенибиз Кыргызстан деген тилек-урухта өссүн деген аруу тилектерин айтышып, ак баталарын беришти. Салтанатта айылдын тургундары Бегимкул Сманалиев,Өмүркан Узенбаева, Азада Кыдыралиевалар чыгып сүйлөшүп, каалоо тилектерин айтышты. Бул акциянын өтшүнө Кашка-Суу айыл аймагынын адисттери да катышып, өз көмөктөрүн көрсөтүшүп, кубанычта болушту.

Ак калпак күнүнө арналган акциянын катышуучулары жаш наристелерди да куттукташып, ыраазылыктарын билдиришти. Акциянын эстафетасын үч-Коргон айыл аймагындагы бакча нынын кызматкерлери келип алып кетишти. Ак калпагын кут болсун айланайын Кашка-Суунун келечектери.!!!

Абдымомун Калбаев, “Аймак”