1,225 Бардыгы /

ОШ.  Ош облусунда он беш гектар аянтка ири инвестициялык сейил бак жана логистикалык борбор курулат. Бул туурасында Кыргыз Өкмөтүнүн Ош облусундагы ыйгарым укуктуу өкүлү Узарбек Жылкыбаев Кытай инвесторлору менен жолукканда айтылды.

–         Ош облусунун калкынын тоскон пайызы дыйканчылык жана жалаң

мал чарбасы менен алектенет. Ошондуктан, ушул тапта инвестициялык сейил бак жана логистикалык борбор курууну ылайык таптык, – Кыргыз Өкмөтүнүн Ош облусундагы ыйгарцым укуктуу өкүлү Узарбек Жылкыбаев. – Атайын ажыратылган аянтка толук кандуу комплекс – айыл чарба продукцияларын  сактоо, маркировкалоо, ошондой эле заманбап фитосанитардык лаборатория, ошондой эле автоунаалар үчүн токтоочу жайлар дагы катарынан тикеленет. Мындан тышкары айыл чарба продукцияларын кайра иштетүүчү цехтерди дагы курмакчыбыз.

Эки тараптуу жолугушуунун соңунда документация маселеси бир жаңсыл чечилгенден кийин инвестициялык сейил бакты жана логистикалык борборду курууну эртелетүү жагы дагы абдан катуу макулдашылды.

         Алишер ТОКСОНБАЕВ, өз кабарчы