1,245 Бардыгы /

ОШ. Ош шаарынан Казакстандын Алматы шаарына барышып, Эл аралык көркөм гимнастика боюнча турнирге катышышкан жаш гимнасттар Мекенине кайтып келишти. Жаш гимнасттарды Ош Эл аралык аэропортунда Спорт, физикалык маданиятжана жаштар иштери боюнча комитеттин өкүлдөрү,  ошондой эле окуучулардын ата-энелери өздөрү тосуп алышты.

Алматы шаарындагы Эл аралык көркөм гимнастика боюнча турнирге жалпысынан 700 спортсмен катышышты. Мелдеште Ош шаарынын жаш спортчулары тогуз медаль – эки алтын, төрт күмүш жана үч коло медаль утуп алышты. Бул сынакка Ош шаарынан он төрт кыз катышышты. Ошондуктан, булардын баарына тең баалуу белек-бечкектер тапшырлды.

 Эске сала кетчү жагдай: Ош шаарындагы көркөм гимнастика мектеби жаңыдан эле ачылган.

Алишер ТОКСОНБАЕВ, өз кабарчы