1,590 Бардыгы /

БАТКЕН. үстүбүздөгү жылдын 23-апрелинде Кыргыз Тажик чек арасында жүз берген кайгылуу окуядан улам Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров Күч түзүмдөрүнүн жана жергиликтүү бийликтин жетекчилери менен жумушчу жыйын курду.  

Адегенде Акрам Мадумаров Кыргыз-Тажик жарандарынын ортосунда тутанган чыр жана ага байланыштуу көрүлүп жатканиш-аракеттердин жүрүшү туурасында Баткен облусунун прокурорунун,облустук ички иштер башкармалыгынын жана облустук улуттук мамлекеттик коопсуздук кызматынын жетекчилеринин, ошондой эле Баткен районунун акиминин  маалыматын дыкаат тыңдады.

–         Коңшу мамлекет менен чектеш аймакта коомдук коопсуздукту туруктуу камсыз кылуу, жергиликтүү тургундар арасында Кыргызстан менен Тажикстан мамлекеттеринин ортосундагы келишимдер менен макулдашуулар жөнүндө түшүндүрүү жараянын күчөтүү, чагымчыл аракеттерге жол бербөө жана катталган ар бир окуя боюнча эки тараптуу обьективдүү иш алып баруу абзел! – деп тызылдадыКыргыз Өкмөтүнүн Баткен облусундагы ыйгарым укуктуу өкүлү Акрам Мадумаров.

Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров ошондой эле Ак-Сай, Ак-Татыр  жана Самаркандек Айыл Өкмөттөрүнө жасаган жумушчу сапарынын алкагында коюлган тапшырмаларынын аткарылышы туурасында   чек аралаш Айыл Өкмөт башчыларынын маалыматын угуп, турак жай салуу үчүн кезекте турган жарандардын жер маселесин чечүү, ишкердикти өнүктрүүү үчүн жерлерди ижарага берүү жумуштарына тоскоол болуп жаткан трансформация маселесин тездетүүнүн үстүндө туруктуу иш алып барууну катуу буюрду.

 Жыйын соңунда Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров ушул тапта ооруканада жаткан, Тажик жарандары кармап кетип, акыры Мекенине кайтарып берген  тогуз жаштагы Шерландын  абалынан кабаралганча, ага жеринде материалдык жардам дагы көрсөттү. Дарыгерлердин айтымында, Шерлан Абдивалиевдин ал-абалы жакшы. Ал эми ушул тапта Баткен облусунун Тажикстан Республикасы менен чектеш аймактарындагы акыбал туруктуу.

Алишер ТОКСОНБАЕВ, өз кабарчы