1,808 Бардыгы /

                        МОСКВА. Москва шаарында Кыргызстандын Орусиядагы Элчиси Аликбек Жекшенкулов Орозо кармагандарга ооз ачырды.

Ооз ачууга 170тен ашуун адам чакырылды. Булардын арасында Кыргызстандын Миграция кызматынын, Ички Ииштер министрлигинин, Кыргызстандын Дин башкармалыгынын Орусиядагы өкүлдөрү, Москва шаарындагы жана Москва облусундагы Кыргыз диаспорасынын жолбашчылары, активисттери жана орозо кармаган мекендештерибиз болушту.

Адегенде Кыргызстандын Орусиядагы Элчиси Аликбек Жекшенкуловчогулгандарды ыйык Орозо айы менен кызуу куттуктап, элди ынтымак менен  биримдикке чакыруучу мындай иш-чараны өткөрүүнүн абдан маанилүүлүгүн баса  белгиледи жана жалпы мекендештерге жылуу каалоо-тилектерин ыроолоду. Мындан тышкары Аликбек Жекшенкулов ар кандай артыкчылыктуу багыттарда мекендештер менен биргелешип иш алып барууну күчөтүү жаатында Элчиликтин пландары менен менен дагы тең бөлүштү. Ошондой эле Москвадагы Кыргыз диаспорасынын аксакалдары ооз ачууга келген жалпы элди достуктун, ынтымактын, мээримдүүлүктүн символу болгон Орозо айлары менен куттуктап, баарына тең бакубат турмуш гана тилешти. Ооз ачыруу мезгилинде Кыргызстандын Дин башкармалыгынын Орусиядагы өкүлдөрү тарабынан намаз окулуп, келген коноктор тарбиялык маанидеги насаат-акылдарды дагы угушту.

Орозо айындагы кыргыздын дагы бир салтына айланган Орозонун башталышын, мээримдүүлүктү, бири-бирине колдоо көрсөтүү маанисинде айтылып келе жаткан “Жарамазан” ырымын Москва шаарындагы Кыргыз диаспорасынын Маданий борборунун өкүлдөрү тартуулашты.

Алишер ТОКСОНБАЕВ, өз кабарчы