1,892 Бардыгы /

                   БИШКЕК. Кыргыз вице-премьер-министри Жеңиш Разаков Кыргызстан менен Өзбекстан ортосундагы чек ара маселесин талкуулоо боюнча жумушчу топтун жолугушуусуна катышты. Өзбекстан делегациясын премьер-министрдин орун басары Элер Ганиев жетектеди.

            Тараптар адегенде Кыргыз-Өзбек мамлекеттик чек арасында көзөмөл бекеттерин түзү боюнча маселени талкуулашты. Кыргызстандын жана Өзбекстандын делегациясы 2004-жылы 24-июлда Кыргыз Өкмөтү жана Өзбекстан Өкмөтү Кыргыз-Өзбек мамлекеттик чек арасында өткөрүү бекети боюнча кабыл алынган Макулдашууга өзгөртүүлөрдү киргизүү максатында ишти улантуу керектиги боюнча өз ара макулдашышты.

            Соңунда тараптар Кыргыз-Өзбек мамлекеттик чек арасында калган тилкелерди тактоо иштерин бүтүрүү максатында Кыргызстан менен Өзбекстандын ортосундагы мамлекеттик чек араны чектөө жана тактоо иштерин күчөтүү зарылдыгын дагы баса белгилешти.

                   Алишер ТОКСОНБАЕВ, өз кабарчы