Аймак

ЭДИЛ БАЙСАЛОВ ЭМИ ЭЛЧИ БОЛОБУ?

 1,495 Бардыгы /

БИШКЕК. Жогорку Кеңештин атайын комитетинин жыйынында Улуу Британия менен Белорусиядагы Элчи кызматына сунушталып жаткан талапкерлер катуу талкууланат. Бул туурасында Жогорку Кеңештин Эл аралык иштер, коргоонуу жана коопсуздук боюнча комитетинен маалымдашты.

Баса,Кыргызстандын Улуу Британиядагы элчилигине бейөкмөтчү Эдил Байсаловдун талапкерлиги сунушталып жатат. Ал эми Белорусияга Эрмек Ибраимовдун талапкерлиги сунушталууда. Талапкерлерди Жогорку Кеңештин атайын комитетине Тышкы иштер министри Чыңгыз Айдарбеков өзү тааныштырат. Бирок, Тышкы иштер министрлиги бул маалыматты тастыктаган дагы, четке дагы  каккан жок.

Ушу тапта Улуу Британиядагы Кыргыз Элчисинин кызматын Гүлнара Исакова аркаласа, ал эми Белорусияда Кубанычбек Өмүралиев Элчилик вазийпаны аркалаган. Ал үстүбүздөгү  жылдын март айында Түркияга которулган. Белгилей кетсек, элчи төрт жылга дайындалат.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17